Komati-matrieks geniet ‘n swierige Franse afskeid

Dirk Koekemoer en Zhane Norval.

Die rooitapyt is Vrydagmiddag by Komatipoort Akademie vir hierdie jaar se matriekafskeid behoorlik uitgerol.

Familie, vriende en gemeenskapslede het die kans gekry om die matrieks se uitrustings en voertuie te bekyk danksy ‘n loopplank wat op die skool se rugbyveld aangebring is.

Na hulle met swier ‘n paar draaie op die loopplank gegooi en vir die fotograwe geglimlag het, is ‘n glasie sjampanje op die groot geleentheid geklink, wat tegelyk ‘n era in hul jong lewens afsluit, maar ook ‘n nuwe een aankondig.

Hierna is die ouers agtergelaat en het die paartjies na Makarios in Marlothpark vertrek om vir oulaas behoorlik afskeid te neem en fees te vier voor die eindeksamen begin.

Kyk na meer foto’s hier. 

  AUTHOR
Chrissie du Preez

Latest News

COMMENTS

Top
Recommended Story x
Komati-swemmers stel ‘n hele paar nuwe rekords op